Dormit se uns nich jümmers Wiehnachtsleeder speel’n möten, hebbt wi
Appeldwatsch mit ehr “Plattdüütsche Fiedelsession”
mol in April inlaadt
In’ Saal weern al mehr as 150 Lüüd neeschierig op de ehr Programm (dat heff ik versocht, mit’n Video fast to holen, aver dat weer to groot för disse Websiet. Glövt mi dat man so.)
Den Optakt harr natürlich – as jümmers – Dörte: Nu geiht lo-os…
Denn hebbt de söss Muskanten uns inbött, dat de Jägerhoff wackelt hett.
Nu noch Mal alle söss:
De hebbt vun plattdüütsche Leeder, Irish Folk, ole Skiffle Songs un Rock’n Roll allens speelt, wat de Instrumenten un de Stimmen hergeven. Jedeen harr de Gelegenheit, sik mit sien Instrument Solo to presentieren, de een oder annere ok mit mehre Instrumenten.
Dat de Norweegsche Plattsnacker ok mit de Rietversluss vun siene Büx een Solo speelt hett harrn wi nich dacht.
Leve Frünn’n vun Appeldwatsch: Dat weer wedder ‘n scheunen Nomiddag mit Jo. Da hett sik sogor unse Kasserersche geern vun de Gaasch
trennt.
Sünndag, 14. April 2024 Klock 15.00
Landhaus Jägerhof, Ehestorfer Heuweg 12-14, 21149 Hamburg
Visits: 0