Ji hebbt dat jo al mitkregen: eerstmol geiht dat wedder los.

Kiekt mol ünner “Veranstaltungen”, wat wi allens vörhebben. Denn drückt mol alle Duums, dat wi dat ok allens hinkreegen.

Leeve Maaten un Frünnen vun dat Plattdüütsche,

keeneen weet, wie dat nu wiedergoht mit unsen Klöönsnacks un de annern Veranstalten. Aver wi laten uns nich ünnerkreegen! Wenn wi den verdreihten Virus endlich vun Hoff joogt hebbt, kreegt ji Bescheed.

Bi “Schoolkinner leest platt” is dat Endspeel al vorbi

An 14.Juni 2018 weer in de School Schnuckendrift dat groote Endspeel vun de besten Plattsnacker ünner de Schoolkinner ut’n Süden vun Hamborg.

Vörweg, inne Paus un achteran hebbt de “Blauen Jungs” vun Polizeichor Hamborg ‘n poor scheune Leeder sungen
De Öllermann vun Plattdüütsch leevt, Ernst Golsch, stellt de Jury vör

un dorüm gung dat:
Wegen Bammel vör de niege Datenschutzverordnung wiest wi dütmol keene Biller un Nomen vun de enkelt Kinner, aver all tosomen geiht dat:

Wunnen hebbt se all.
Un wi vun Plattdüütsch leevt weern heel tofreden mit de scheune Veranstalten.

In “Hamburger Abendblatt” weer’n scheunen Bericht vun Lars Hansen

un sien Vadder Uwe hett in “Der Neue Ruf” ok wat doröver schreven (un över uns!)

An 15. September weer Plattdüütsch leevt Gast bi NEUWITAmit dorbi weern:

Dörte Gudat (un Ernst Golsch as Claqueur)

In de tweete Halftiet weern denn ok’n poor mehr Tohörers dor

So weer dat denn doch een kommodigen Nomiddag

Impressionen vun de Utfohrt no Fehmarn
Sünnavend, 9. September 2017

Twee grote Busse weern notwennig, um hunnert Plattdüütsch-Frünnen no Fehmarn to fohrn

Bi gräsiget Weer keem’n wi in Landkirchen an

De Kark is de “feinste” vun ganz Fehmarn

un dat kunn een binnen seen:

‘n scheune ole Orgel

un scheune Binnenutstatten, de wiest…

…dat de Lüüd vun Landkirchen veel för de Kark spendeert hebbt

uns Gastgever Walter Meß weer noch nich so goot op de Padden…

Denn geev dat glieks op de anner siet vun de Stroot in’t Restaurant Petersen leckere Rouladen mit Kantüffeln, Rootkohl un greune Bohn un achteran Ies mit hitte Karsberen. Dat weer’n feine Sook.

Dorna hebbt wi – jümmers noch bi Schietwedder de egentlich Rundfohrt um Fehmarn mookt. De Straten weern man meist’n beten smaal för unse Busse, aver de Fohrers hebbt dat goot henkregen un uns opletzt heel to dat grote Kaffeedrinken mit grote Tortenstücken in’t Hofcafé in Bisdorf brocht. (Dorvun hebbt wi keene Biller, de Kamera harr keen Lust meer).
Un denn gung dat al wedder (oder weller för de Lüüd ut Olwarder) Richt Neegroben. Dor keem denn endlich de Sünn rut.

Ok wenn dat Wedder nich mitspeelt hett, weer dat doch ‘n scheunen Dag un wi bedankt uns op dissen Weeg nochmol hartlich bi Walter Meß un sien Fro.