Autor: HR2015

He hett meent: „Keen Grund to’n Bladen!“

…un dat harrn wi ok nich. Achterna Wiehnachten un Sylvester hett he een Fürwark vun snaaksche passlich Geschicht un Riemels afbrennt, dat de Lüüd in Saal knapp Tied to’n applaudeern harrn.

In de Paus hett he keen Paus mokt: He is mit sien Treckbüddel dörch den Saal wannert un hett de Lüüd to’n Mitsingen annemeert.

Achteran gung dat wieder mit Geschicht un Riemels. Un wenn dor een Handy bimmelt hett oder de Kellnersche nich wusst, wohen mit dat Alsterwoter, denn harr he glieks een passlich Döntje dorto.

Manfred, dat weer wedder’n vergnööglichen Avend. Scheunen Dank ok, wi seht uns wedder…

Middeweken, 15. Januar 2025 Klock 18.00
im Landhaus Jägerhof, Ehestorfer Heuweg 12-14

 

Views: 0

Jungedi! Dor weer wat los in Jägerhoff! Mehr as 160 Lüüd weern komen, de Finkwarder Speeldeel to sehn un to hör’n

Dat weern de „Ölleren“ ut Finkwarder mit’n poor scheune Leeder ut ehr Programm

…un denn weer Danz op de Deel…

De lütten seuten Finkwarder Küken hebben natürlich dat Leed vun de Wiehnachtsbäckeree sungen. Un danzt hebbt se ok noch! Allerleefst!

Dat weern se noch mol all tohoop

De Lüüd in Saal weern begeistert, hebbt klatscht, mitsungen un kräftig applaudeert.

Dat weer’n scheunen Nomiddag im Landhaus Jägerhof, Ehestorfer Heuweg 12-14 21149 Hamburg

Views: 0

Na söss Johr’n Paus hett he meent: „Wi mööt mool wedder snacken.“

Un dat dee he denn ok: vun Wiehnachten op’n Dörp, vun „Schnitzel satt“ för Veganer, wann dat een niegen Trecker gifft un wat een för besünnere Belevnisse hebbt harr, üm dat Petrus em in Heben rinleet.
Achter de Paus is he mit een krüllig Prüük as „Alma Hoppe“ wedder komen. Denn müss sogor Hermann Möller mit ran, sick verkleden und mitspeel’n (de hett em meist de Show klaut).
För männicheens Möög hett he sick mit sien Geschicht ’n beten veel mit de ünneren Liefdelen afgeven, man de mehrsten Lüüd heebt sick fix amüseert und wullen, dat Jens Wagner bald wedder kummt

Middeweken, 20. November 2024 Klock 18.00 im

Landhaus Jägerhof, Ehestorfer Heuweg 12-14, 21149 Hamburg

 

Views: 0