Plattdüütsch leevt

Eerstmol is dat wedder vörbi: an 1. Dezember hett de Vörstand vun Plattdüütsch leevt e.V.  besloten, de Wiehnachtsfier mit Appeldwatsch utfallen to loten. Dat deiht uns bannig weh, aver de Gesundheit vun unse Maaten is uns wichtiger. Und ne Menge Lüüd, de sick all anmelld harrn, hebbt in de Twischentied wedder affseggt.

För dat eerst halve Johr hett Dörte ‘n scheunes Programm op de Been stellt. Dat kreegen unse Maaten in de neegste Tied mit de Post tostellt. Nu laat uns man all tosomen hopen, dat uns Corona nich wedder dortwischen funkt.

An uns schall dat nich liggen!

Wi wünscht Ju een scheunes Wiehnachtsfest und: BLIEVT GESUND!

Views: 0

An 20. Oktober weer de lange Tied ohn Platt vörbi. Unse Maaten weern hungerig – so as wi – mol wedder Platt to heuern un  to snacken . So weer de Sool in Jägerhoff good besökt.

un denn gung dat los  mit

 

 

 

 

 

 

 

 

 

 

 

 

 

 

 

 

 

 

un denn de Een un de Annere noch mol.

All de Lüüd in Sool hebbt sick fein ammesiert

De Biller hett ditmol Hermanns Enkel Kevin Kaune tostüert. He harr denn besten Blick no de Interpreten. Scheunen Dank Kevin.

Un dat alle Beseuker ehr Impnowies dorbi harrn un sik ohn mäkeln in de Listen vun Jägerhoff inschreven hebbt, mokt uns Moot för de Dezember-Veranstalten

Views: 0

Aver so ganz suutje köönt wi wedder bigahn, niege Veranstalten to  planen. An 20. Oktober wüllt wi ganz vörsichtig dat eerste Mol in dit Johr unse Maaten inladen, mit uns mol wedder Platt to snacken. Dor gifft dat Je-Ka-Mi (jedeen kann mitmoken) und ji köönt probeeren, ob jümehr Platt noch geiht.

Aver: allens is anners. In’n Seniorentreff dröfft wi blots mit’n poor Lüüd sitten. Dat is nich kommodig. Dorüm drapt wi uns in Landhaus Jägerhof, dat kennt ji all. Man ok door gifft dat ‘n poor Bedingen:  Wenn ji ‘n Gripp hebbt oder ‘n Snööf: bliev to Huus! Aver wenn ji tweemol impft sünd oder Corona överstohn hebbt:  Vun Harten willkamen! Wi mööt dat kontroleeren! Un jüm Nom un Adress mutt in een List schrieven warrn, dat verlangt de Lüüd vun’t Amt vun Thomas Soltau.

Dormit wi dat allens planen köönt, mellt jo an per Telefon bi Hermann oder Ernst.

Dat steiht allens noch mol in een Breef, den kriegt unse Maaten noch in  August.

Wi freit uns bannig, wenn wi jo mol wedder to Gesicht kregen!

Views: 0