nu al 50 Johr – so schall dat wiedergohn!

Jungedi! Dor weer wat los in Jägerhoff! Mehr as 160 Lüüd weern komen, de Finkwarder Speeldeel to sehn un to hör’n

Dat weern de „Ölleren“ ut Finkwarder mit’n poor scheune Leeder ut ehr Programm

…un denn weer Danz op de Deel…

De lütten seuten Finkwarder Küken hebben natürlich dat Leed vun de Wiehnachtsbäckeree sungen. Un danzt hebbt se ok noch! Allerleefst!

Dat weern se noch mol all tohoop

De Lüüd in Saal weern begeistert, hebbt klatscht, mitsungen un kräftig applaudeert.

Dat weer’n scheunen Nomiddag im Landhaus Jägerhof, Ehestorfer Heuweg 12-14 21149 Hamburg

Views: 0

Na söss Johr’n Paus hett he meent: „Wi mööt mool wedder snacken.“

Un dat dee he denn ok: vun Wiehnachten op’n Dörp, vun „Schnitzel satt“ för Veganer, wann dat een niegen Trecker gifft un wat een för besünnere Belevnisse hebbt harr, üm dat Petrus em in Heben rinleet.
Achter de Paus is he mit een krüllig Prüük as „Alma Hoppe“ wedder komen. Denn müss sogor Hermann Möller mit ran, sick verkleden und mitspeel’n (de hett em meist de Show klaut).
För männicheens Möög hett he sick mit sien Geschicht ’n beten veel mit de ünneren Liefdelen afgeven, man de mehrsten Lüüd heebt sick fix amüseert und wullen, dat Jens Wagner bald wedder kummt

Middeweken, 20. November 2024 Klock 18.00 im

Landhaus Jägerhof, Ehestorfer Heuweg 12-14, 21149 Hamburg

 

Views: 0

Se hett seggt: „Mookt nix“

Dat is de Titel vun ehr nieget Book. Dorut hett se Geschichten vörleest, de se merrn ut dat Leven opschreven harr. Nu weten wi, wokeen allens Geld vun ehr hebben will, worüm de Finnen de glücklichsten Minschen sünd, wat du bi’n Urlaub in de Provence passeren kann, wenn du den Prospekt nich recht lesen kunnst, över Belevnisse op de Krüzfohrt, bi’n Rockkonzert un in de Bremer Kunsthalle un, un, un…

Dat hett de Lüüd in Saal veel Spaaß maakt. Scheunen Dank ok, Renate.

Middeweken, 16. Oktober 2024, Klock 18.00 im

Landhaus Jägerhof, Ehestorfer Heuweg 12-14, 21149 Hamburg

 

Views: 0