Se hebbt meent: Kannst keen Platt, denn fehlt di wat
…un as dat utseeg, hett keen een vun de mehr as 70 Besöker wat fehlt, de bi dat scheune Weer in den Jägerhoff kamen sünd.
Eh dat dat losgüng, hett Dörte ehrn Mikrobammel överwunnen un hett vun de Utfohrt vertellt un de Künstlers vörstellt.
Silke harr’n Barg snaaksche Gedichten un Geschichten mitbröcht: vun de eerste lange Büx un de eerste Leevde, hett sik frogt, wat denn wohl inn Kopp vun een Fisch vörgeiht, vun de Problemen, de Petrus mit Fischerslüüd ut Hörnum harr, hett uns wiest, dat een vun Slapen alleen keene Kinner kreegt, för welkeen de Eerdbeertied gefährlich is, över Straten- un Stummfilmmusik un, un, un…
Dor weer nich een Geschicht dorbi, de wi al kennt hebbt.
Andreas, de so wunnebor mit sien Rietfidel ümgeiht, hett Gedichten vun bekannte Dichterslüüd mit eegen Kompositschonen verbunnen un hett de Lüüd in Sool to’n Mitsingen annemeert.
We weern all hen un weg. Veel to gau weer de Avend to Enn.
Veelen Dank an Silke un Andreas!
Middeweken, 21. Juni 2023
in
Landhaus Jägerhof
Ehestorfer Heuweg 12-14
21149 Hamburg Hausbruch
Eintritt frei
Visits: 0
