Kategorie: Klöönsnack

…un dorvun harr he ‘n heel’n Barg: vun de Wohrheitslievde vun ein Pastoor, Kokengavel in’n Bett, dat gröttste Rindviech vun de Welt un so wieder. Mit eenmol weer de eerste Stünn üm un wi hebbt dat gornich mitkregen.

Achter de Paus keem he denn mit sien Motto “Löpt sik all’ns trecht, meent Gerda” trüch

un dor hett he uns denn vertellt, wat he so mit Gerda beleevt hett. Männichmol hebbt de Fruunslüüd in Sool sinnig nickoppt, wieldat se dat all’ns normaal funnen. De een oder anner vun de Mannslüüd hebbt keken, as wenn se ok ne “Gerda” tohuus hebben.

An End hebbt wi all tohoop lacht un em heftich applaudeert. De kann geern mol wedderkomen.

*Klock 18.00 in Landhaus Jägerhof*
Ehestorfer Heuweg 12-14
21149 Hamburg

 

Views: 0

Hanni hett dat so belevt:

“Toerst mookt Hermann de Inleitung un snackt över ole Tieden vun den Hoff vun sien Oma un Opa, un wat he dor as lütten Jung belevt hett. Denn stellt he de Interpretin Grete Hoops vör.
Grete Hoops is 87 Johr old un is ut Tarmstedt, Kreis Rotenburg/Wümme.
Se hett vun 2002 bit 2021 all19 Böker schreven. All ehr Geschichten sünd wohrhaftig so oder liek passert, wie se uns verklort hett.
Se vertellt, wie Mimi in`t Theoter geiht un achterno to Huus keen Tähn mehr in Mund hett. Se glövt, dat se  de in`t Theoter verlorn hett un föhrt dor hin, man dor sünd se nich. Annern Dag find Mimi ehr Tähn in`ne Kittelschört wedder.
Denn vertellt Se vun Opa, de mit sien Kumpels de erste Rente versopen hett, un loter Arger mit de Polzei harr, wieldat he noch mit`n Auto no Huus fohrt is.
Jacob un Hanna wull`n een Sülverhochtietsreis an`n Rhein moken. Se wull to keern mool de Lorelei sehn. In een Lokol hebbt de Beiden Zippelkoken un Fedderwitten drunken. Un wat se denn so all`ns beleven dot, dat hett Grete Hoops so wunnerbor vertellt, dat de Tohörers sik bannig högt hebbt.

Dat wär würklich `n vergnögten Avend, wie kunn`n lachen un hebbt uns goot amüseert.”

*Klock 18.00 in Landhaus Jägerhof, Ehestorfer Heuweg 12-14

Views: 0

Wat von scheunen Obend! Dat güng all dormit los, dat wi op ümmer mehr Dische Decken lengen müssen, weil soveel Maaten Anette Meyer beleben wullen. Und denn legt se los, verkleedt as Gertrud Schluderich: nich dat se schludert hett, öber een wull se uns denn doch noch gau vertell’n von dat, wat all’ns gifft un mennichmol nich to glöven is. Gertrud Schluderich is ok nich neeschierig, öber ‘n poor Soken müss se trotzdem noch gau in Erfohrung bringen. Een Geschichte jogt de nächste.
Wi hebbt fix lacht, uns köstlich amüsiert un nich eenmol an Corona dacht…

*Klock 18 in Landhaus Jägerhof, Ehestorfer Heuweg 12-14

 

Views: 0