mit ehr
“Internationale plattdüütsche Skiffle-Wiehnacht”
Sünndag, 15. Dezember 2019
Klock 15.00 (inlaten 14.30 – dat weer de Theorie
un de Praxis seeg um 14.25 so ut:
as denn Klock 15 uns böversten Ansegger Hermann de Gästen begrööt hett, 
weern so bummelig tweehunnertfofftich Lüüd in’n Sool.
Appeldwatsch weer jo al tweemol bi uns, aver so as dütmol hebbt se uns noch nie nich inbööt. De Lüüd weern rein ut de Tüüt!
In de Paus kunnt wi uns all’n beten verhalen. Koken weer genoog dor un de flietigen Deerns vun Thomas Soltau hebbt dorför sorgt, dat jeedeen sien Koken kreeg.
Un denn gung dat wieder:
Ob dat de Appel weer, de meent, he is de Scheff
oder de Düvelsfiddler ut Graz, de ok op Platt jodeln kann
ob dat de Jazzer ut’n Ammerland
de eenzig Plattsnacker ut Norwegen
oder de mit de kellerdeepe Stimm is
oder de niege Ballerjahn an’t Slagtüüch
een as de anner sünd se goot, man tosomen sünd se een Beleevnis! Dat hebbt se uns in de tweete Halftied noch mol wiest un mit uns internationale RockSkiffleJazzBoogieWoogieunwatnochallns Wiehnacht fiert. Se haarn groten Spooß dorbi un wi un de anner de Lüüd in Sool ok.
So bleev denn för uns Öllermann Ernst blots noch, veelen Dank to seggen an Appeldwatsch un an de veelen Tohörers un Mitmokers in Sool. Dat weer’n scheunen Nomiddag in’t “Landhaus Jägerhof”
Views: 0
