An 16. November 2022 weer Klöönsnack mit Karl-Heinz Langer

Dörte hett dat so beleevt: Karl-Heinz Langer hett von ehr un em un anner Lüüd vertellt. To Anfang amüsier he uns mit Kockrezepte, ton Bispill wie man ut Fleederbeersupp mit Klüten rode Grütt mokt. Dorno güng dat um Leev: bi ganz junge Lüüd, wenn se sick scheune Sprüche in’t Poesie Album schrievt, oder wenn de Lüüd öller ward und heirot. Een Geschicht hannelt von’t Hochtietsgrusen, und wie de Paster dat Jo-Wort ut den Brögam rutlockt hett. Öber ok von de Leev in’t Öller hett he vertellt.

Dat hett bannig Spoß mokt, K.-H. Langer totoheuern!

So bummelig 80 Lüüd hebbt dat ok so sehn.

Landhaus Jägerhof
Ehestorfer Heuweg 12-14
21149 Hamburg

Visits: 0

An 19. Oktober 2022 weer Klöönsnack mit Irmi Dreiskämper

Se hett meent: “Ik snack wi mi de Snuut wussen is.”

Dörte hett dat so beleevt: Irmi Dreiskämper hett ut eer Leben vertellt, as eer de Snuut wussen is.
Ümmer wenn se sick verpussen müss, hebbt de Maaten üm de Wett root, wat jüm op lütte üdder grote Fleiten vörspeelt worden ist: Manns gegen Frons. De Frons hebbt gewunnen! Sungen hebbt düsse Melodien denn al tohoop.

Ok, wenn se nich so beropen is wie Gerd Spiekermann oder Jasper Vogt, weern doch veele Plattdüütsch-Frünnen komen, um ehr totohör’n

 

Landhaus Jägerhof
Ehestorfer Heuweg 12-14
21149 Hamburg

Visits: 0

An 21. September 2022 weer Klöönsnack mit Gerd Spiekermann

eh dat dat anfung…
…weer de Sool al rappelfull


Dütmol weer sien Motto: “Wat’n Last mit de Wohrheit”

Toeerst hett he uns op siene aventüürsch Reis no un dörch de USA mitnohmen un vun siene Jagd no een Bleestickenscharpmaker vertellt. Dat weer so schnaacksch, wi harrn noch stünnenlang mit em reisen kunnt.
In de tweete Halftied hett he ut sien nieget Book “Wat’n Last mit de Wohrheit” ‘n poor schnaaksche Geschichten vörleest.

Dat weer een kommodigen Avend. Scheunen Dank ok, Gerd!

Landhaus Jägerhof
Ehestorfer Heuweg 12-14
21149 Hamburg

Visits: 0