Beiträge

Veröffentlicht am

an 21. August weer Klöönsnack mit Renate Kiekebusch

Hermann weer jo nu mol nich dor, un so harr de Öllermann Ernst de swoore Opgaav, de Interpretin antoseggen. Hett he prima mookt.

 

Renate hett denn ut ehr Böker vörleest un Geschichten vertellt vun ehrn Mann, Fründin Elke un de “leeven Lütten”, allens midden ut dat pralle Leven.

Dat weer wedder ganz kommodig. Scheunen Dank, Renate.

Visits: 0

Veröffentlicht am

An 19. Juni 2019 weer Klöönsnack mit Reiner Jodorf

He weer dat eerste Mol bi uns. He hett vertellt un speelt för uns
“Dööntjes un Leeder vun de Waterkant”

So’n Niegen mutt jo eerstmol vörstellt warrn. Wi weern al gespannt – un he ok
wegen de Hitt weern man blots tachentig Lüüd komen
denn hett he sien Rietfiedel trakteert, dor kunnst du marken, dat he veele Johr Country, Rock un Blues övt hett.
twüschendörch hett he Dööntjes ut dat niege Book vun Dibaba vörleest.

 

 

 

 

 

 

 

Dat weer’n kommodigen Nomiddag. Veelen Dank, Reiner.

Visits: 0

Veröffentlicht am

An 15. Mai 2019 weer Klöönsnack mit Wilfried Staake

He is dat eerste Mol bi uns ween, un sien Motto weer:
“Leeder un Geschichten mit Wilfried Staake”

eerstmol mutt de “Niege” besnuppert warrn

 

…un denn kunn he anfang’n mit siene Leeder – meistendeels ut de Hoochtied vun de plattdüütschen Leedermokers…
…un siene Geschichten vun bekannte Schrieverslüüd
de Lüüd in’n Sool hebbt luustert oder mitsung’n
un hebbt ehrn Spooß hatt – so as he ok.

Dat he so goot sing’n kunnt un wunnebor mit siene Gitarr speel’n, hett uns veel Freid mokt.
Wilfried, dat weer echt staak. Di lodt wi geern mol wedder in.

Visits: 0