an 16. Oktober weer Klöönsnack mit Dr. Reinhard Goltz


he hett uns
Geschichten vun Reimer Bull
mitbröcht

Dat weern richtig scheune Geschichten, de he dor utsöcht harr un he hett se wunnebor vördrogen. Mennigmol weer he so in Tog, dat wi keen Tied to’n Klatschen harrn. Un he harr doch den Applaus verdeent.

Ok för de tweete Halftied harr he noch’n poor nodenkerte un vergnöögte Geschichten parat. Sien Däänschen Zöllner weer dat ganze Geld wert.

Weeten se wat, Herr Dokter: se kunnt geern mol wedder op Visite komen!

Visits: 0

an 18. September weer Klöönsnack mit Gerd Spiekermann

He hett vertellt  öber
Oma ehr Schötteldook

De Loden weer wedder rappelfull
man toeerst hett he uns mit op Weltreis nomen
un dat hett he so lebennig mookt…
…du harrst dat Geföhl, du bist mit em ünnerwegens
Nadem dat he noch mit uns ne Tour dör de sösstiger Johr mookt hett (wat hebbt wi nich allens wedder kennt)…
…keem denn ja ok Oma ehr Schötteldook
de Ünnerscheed twüschen de Ünnerbüxen vun freuher un hüüt is gor nich so lütt

Gerd, dat weer een kandideln Nomiddag, wi hebbt uns bannig ammeseert. Töv man nich wedder twölf Johr bit to dien neegsten Besöök.

Visits: 0

an 21. August weer Klöönsnack mit Renate Kiekebusch

Hermann weer jo nu mol nich dor, un so harr de Öllermann Ernst de swoore Opgaav, de Interpretin antoseggen. Hett he prima mookt.

 

Renate hett denn ut ehr Böker vörleest un Geschichten vertellt vun ehrn Mann, Fründin Elke un de “leeven Lütten”, allens midden ut dat pralle Leven.

Dat weer wedder ganz kommodig. Scheunen Dank, Renate.

Visits: 0