An 19. Juni 2019 weer Klöönsnack mit Reiner Jodorf

He weer dat eerste Mol bi uns. He hett vertellt un speelt för uns
“Dööntjes un Leeder vun de Waterkant”

So’n Niegen mutt jo eerstmol vörstellt warrn. Wi weern al gespannt – un he ok
wegen de Hitt weern man blots tachentig Lüüd komen
denn hett he sien Rietfiedel trakteert, dor kunnst du marken, dat he veele Johr Country, Rock un Blues övt hett.
twüschendörch hett he Dööntjes ut dat niege Book vun Dibaba vörleest.

 

 

 

 

 

 

 

Dat weer’n kommodigen Nomiddag. Veelen Dank, Reiner.

Aufrufe: 0

An 15. Mai 2019 weer Klöönsnack mit Wilfried Staake

He is dat eerste Mol bi uns ween, un sien Motto weer:
“Leeder un Geschichten mit Wilfried Staake”

eerstmol mutt de “Niege” besnuppert warrn

 

…un denn kunn he anfang’n mit siene Leeder – meistendeels ut de Hoochtied vun de plattdüütschen Leedermokers…
…un siene Geschichten vun bekannte Schrieverslüüd
de Lüüd in’n Sool hebbt luustert oder mitsung’n
un hebbt ehrn Spooß hatt – so as he ok.

Dat he so goot sing’n kunnt un wunnebor mit siene Gitarr speel’n, hett uns veel Freid mokt.
Wilfried, dat weer echt staak. Di lodt wi geern mol wedder in.

Aufrufe: 0

An 7. April 2019 bleuhten bi uns “De Heckenrosen”

Se hebbt uns versproken: “Wi mookt Stimmung!” , man toeerst hett Hermann Möller all tosomen ‘n beten ‘opwarmt’.  Denn güng dat los mit de Stimmung. Bekannte Leeder mit niege plattdüütsche Texte – von “Rot, rot, rot sünd de Rosen” över den “Kriminal-Tango” in Dörpkroog bit an de Noordseeküst weer allens dorbi. Twüschendörch geev dat ‘n poor Hamburger Leeder to’n mitsingen un snaaksche Geschichten, vertellt vun Walter Marquardt. Ja, leeve Heckenrosen, dat mit de Stimmung hett wunnebor klappt. Dat weer een kommodigen Nomiddag, veelen Dank.

Un dat dat mit Koffie un Koken in de Paus ook funkschoneert, wenn de Baas nich dor is, mutt hier ok mol seggt warrn.

Landhaus Jägerhof, Ehestorfer Heuweg 12-14, 21147 Hamburg
Bus 340

 

Aufrufe: 0